Molaetša go tšwa go Modulasetulo wa Lefapha

Re le amogela ka atla tše pedi Lefapheng la Molao wa Kgwebo (Mercantile Law), moo re fanago ka dimotšulo tša mošomo le mananeo ao a diretšwego go swanela leeto la gago le o ikgethetšego lona la mošomo bophelong. Molao ke mošomo o mobotse kudu gomme o bohlokwa go katlego ya ditšhaba tša rena. Ka gona, go ithuta molao go go nea sebaka sa gore le wena o be le seabe mo kgopolong ya go phela ka fase ga letsogo la molao.

Boikgafo bja rena bja bothakga

Adv MA Mthembu
Modulasetulo wa Lefapha la
Molao wa Kgwebo
Kholetše ya Molao

Maitemogelo ao a Diretšego go Ithuta: Bokgoni bjo bogolo bja Lefapha le ke ka fao le kgethilego dimotšulo tša lona tša go fapafapana, Mananeo a Mastase, bokgoni bja tša thuto, gotee le mošito le mafolofolo ao a tšwago dimotšulong tše tša go fapafapana. Re tloga re ikgantšha kudu ka magoro a seswai a thuto tše itšego ao a newago ka Lefapheng le, e lego Molao wa Dipanka, Molao wa Bašomi, Molao wa Dikhamphani, Molao wa Maloka a Dikgopolo tše di Hlamilwego, Molao wa Kgwebo (Commerical Law), Molao wa go Palelwa ke go Lefa, Molao wa Inšorense le Molao wa Motšhelo. Go sa kgathale gore o kgethile mošomo bjalo ka Setsebi sa tša Metšhelo, Mohlankedi wa go Obamela Molao, Mongwaledi wa Khamphani goba Moeletši wa Semolao, mekgwa ya rena ya go ithuta ye e fetogafetogago le maemo e go dumelela go ithuta ka mošito wo o ratwago ke wena le ka go iketla. 

Tekatekano ya go ithuta le go šoma: Ka go kwešiša dinyakwa tša go šoma le go phela tša baithuti ba rena, re netefatša gore dišetulo tša rena tša go fetogafetoga le maemo, mananeo a Mastase le dimotšulo di hlamilwe go akaretša le go dumelela baithuti go fihlelela dinepo tša bona tša thuto mola ba kgona go lekalekanya le go bea ka fase ga taolo dilo tše dingwe tše ba itlamilego ka tšona.

Nyakišišo ye e tšwago pele lefaseng: Lefapha la Molao wa Kgwebo le ikgafetše go ba le le tšwago pele lefaseng ka bophara dinyakišišong go selaganya le magoro a dithuto tše itšego tša go fapafapana tše re di rutago.

Go dirišana le diintasteri: Re godiša dikamano tše di nago le mohola le baetapele ba diintasteri go netefatša gore dimotšulo le mananeo ao re a rutago a maleba ebile a arabela dinyakwa tše di tšwelago pele tša Molao wa Kwebo.

Ke ka lebaka la eng o re kgethile?

• Dimotšulo tša rena tša maemo a godimo tšeo di sepelelanago le maemo a diintasteri
• Mehuta ya go fapafapana ka bophara ya dithuto tše itšego tše o ika ikgethelago tšona Lenaneong la Mastase
• Didirišwa tše di hwetšagalago inthaneteng gotee le ditirelo tša thekgo
• Boikgethelo bja gore o nyaka go ithuta nako mang

Lefapha la Molao wa Kgwebo le katanela go šoma ka bothakga ka go ruta le go ithuta, go dira dinyakišišo le go kgatha tema ga setšhaba. Ingwadiše gore le wena o kgone go thoma le go thabela leeto le la thuto la go kgotsofatša kudu! 

Adv MA Mthembu
Modulasetulo wa Lefapha la Molao wa Kgwebo
Kholetše ya Molao