Index | A | B | D | F | H | I | K | L | M | N | O | P | R | T | U | V | W | Y | Z

A

a dzimana u ḽa malombe, mukosi wa lila a a phalalana
a hu na nḓila i si na mipfa
a hu nukhi hu songo sina
a lu khwaṱhi fhedzi luṋunḓu lu khwaṱha lu na thanda nga ngomu
arali mushumo wo anda, ranga nga u ḽa
a ri bweli muthu vhiḓa a tshi kha ḓi tshila
a ri dzheni ṋari ri si na mmbwa
a ri laṱi ṅwana nga phaḓi
a  si halwo lukunda a lu kokomedzwi, lwa kokomedzwa lu a ṱhara
a si mulandu arali u songo farwa
a u vhulahi swina nga u nwa mulimo

B

Bele u Mpheni mbilu i Dzimauli
bofu a ḽi sumbedzi ḽiṅwe nḓila

D

ḓambatshekwa ḽo tshimbila nga tsha murahu ṅwana o sedza, ṋamusi ṅwana u tshimbila nga tsha murahu
ḓuvha ḽi farwa ḽi sa athu u bva
dzwinga yau, hu kharame dza vhaṋe vha haya

F

fhuri ḽa u ṋewa a ḽi na khobvu
fuwa ndawana u tshi ndi mmbwanana, matshelo i lalela nga iwe
fuyu ḽitswuku a ḽi kundwi tshivhungu

H

halwa vha ingela ṱhama, lufu vha vhidzela tshiṋe
ho andaho zwanḓa, shango ḽi a lala
ho ṱangana Marema na Mukhoro
hu na phiseo, hu na phuletshedzo
hu neta malombe, matsige ha neti
hu si na dunzi, tshikwama tshi songo putululwa

I

i haṅwa ḽi tshi kha ḓi vha ḽo sisa
ipfi ndi musevhe, ḽa poswa, ḽo ya
i rema nga luṅwe mbevhana mulindi wa vhuya wa ḓala
i ri u ndzima, u mphele ṅwana
iṱo ḽiṅwe a ḽi vhonwi nga tshilavhi

K

kha a na nzhele, lebula ndi fosholo
kha a na wawe, thavha i hwalwa sa tshidudu
kha i ponde i sie marambo
khali yo shululelwaho a i fhiri yo bikaho
khangala mbili a dzi dzuli muina muthihi
kha vhu bikwe vhu avhiwe ṋamusi, matshelo vhu a moḓa
khokhonya i ḽa maanḓa ayo
kholomo hu vuswa i ḓivusaho
kholomo i si yau u i hama wo sedza nḓila
khosi ya ṋenga, vhalanda vha a vhusa
khumbana vhulaelo, ntsa i vhuya nga vhuṱala hayo
khuni dza vhuya dza ṋanga mulilo, a dzi tsha lenga u duga

L

ḽa u ṱavhela, u ḽi ore
ḽi ḓo tsha hafhu matshelo
ḽi naka ḽi tshi hoha ḽiṅwe didinngwe, ḽi tshi hohwa ḽi ri mavhala anga
luswielo lu swielela mukotoni wa halwo

M

maano a fhira maanḓa
maano a vhambwa nga luvhadzi
maḓi a tevhuwa o tevhuwa
mahonḓo manzhi ha bwi mulindi
maitazwiṱoma ha fani na madzulafhedzi
maṅa a mutukana a si vhumatshelo hawe
maṋoni a songo kavhaho mutanda muthihi, u fhufha a a liana
mapfumo a ḽa vhavhandameli
mapfura a ḽiwa mutumbani
mare o humela khanani
matshele ha ḓi luvhili u karusa muthu
mavhele ha vhibvi nge pfeṋe ḽa ri kha vhibve
mbaḓo i ṱwaho tsindeni i a gomala
mbeu a i vhulungwi ḓuluni ḽithihi
mbeu i lindela mavu ane khao ya ḓo zwalwa
mbila yo kundwa mutshila nga u rumela
mbilu khulu ya musingili, a no laṱelwa dzembe a doba
mbilu ya mubva i tama ya si wane
mbondo dzi na nḓevhe
mbuelela i a ḽa
miḓi mivhili yo kundisa pfuko u fhaṱa
mmbwa hu zwima ya muambi
mmbwa i huvhaho a i lumi
mmbwa nzwimi phindulela, lufu lwa mmbwa a luho kule
mubva ha na nzie, nzie dzi khoroni
muḓivhatshikamba u ḓivha nga tshawe
muḓi wa goswi a u na malila
mudzimba, angaladza magwekwe au, wa sa fasha nḓou, muvhuḓa u ḓo vhuya nawo
mufulela lusie zwa maṱo u ḓo zwi vhona
muhuliswa hoṱhehoṱhe, mazwani u musathulwa
muhulwane u kanda mupfa a tshi u vhona
muhwalampambo ndi mufhedzagomelelo
mukuzhe mukuzhe ha fani na a songo kuzha
muḽakhulu u a fhinduwa
muḽatshawe u a dzumbama, vha tshi mu wana a si mulandu
mulayo u vhewa nga a sa u ḓivhi
mulilo wa mbava a u orwi
mulindaṅwedzi ndi mulindaswiswi
muloi ha na tshiangaladzi
mulomo ndi muloi
mulomoni wa phalaphala hu pfiwa nga muṋe wayo
mulomo u fhira ngoma u lila
muluvha hoṱhe maputu a a fhela
munangadzunde ndi mulamba khuluṋoni
munna ndi nngu, u lilela thumbuni
munna ndi ṱhoho, musadzi ndi mutsinga
munna u ḽa tsha biko ḽawe
munongoli wa iṱo ḽa muṅwe, na ḽawe kha ḽi nongolwe
munwe muthihi a u ṱusi mathuthu
munyadzatsimu yawe ndi mulima ya muṅwe
mupfuluwi ha humbulwi nga vho ḓaho
muri u vhavhaho u bva tsindeni
mushaaṱhama tsinde ḽa vhulaḓa
mushai a tshi amba u a luvhelela; mupfumi a tshi mu fhindula, u a mu halifhela
mushavhamvula vhilula u si shavhe ḓumbu ḽo no swika
mushengaphamba ndi madzulakule na ṅanga
musima thengu sima u vhone, matshelo thengu i a fhufha
muṱali u ḽa kanwe, tsilu ḽi ḽa kunzhi
muṱali u nanga muratho, tsilu ḽi nanga u tala
muthu ndi muthu nga vhathu
muthu u kaṋa zwe a zwala
mutshenzhe a u na zwivhili
mutshimbili u wana ṅombe, mavhele a wanwa nga nzula
mutukana ha endi, hu enda mukalaha
muzwimi u tevhela vhuṱala ṋamusi, musevhe u hwala matshelo

N

naho wa i dzima maḓi u ḓo ḓi vhona yo nwa
naho wa i viela bakoni, mahunguvhu a ḓo i vhona
naho wa sema thavha u seli, u ḓo vhuya wa swika
ṋama i ḽiwa muvoni
ṋamakhombetshedzwa i afhula khali
ṋama ya wela maḓini, tshiḽi a si tshithihi
na u ṱamba wa ḓola senenga a ḽi ṱuwi
na u ṱamba wa penya khali, tshe wa bebelwa ndi mulilo
na u vhavha hayo ngoho, u ḓisa mbofholowo ndi hayo
na vhuvhi haḽo pfeṋe mavhele vhusiku a ḽi a ḽi
nḓadzi a i rwi luvhili
nḓalo a i navhi, hu navha nḓala
ndi khakhisa u rwa, ndi mbevha ya ludongoni
ndi nguluvhe, i songo itwa nḓou
ndi nṋe ndi nṋe bvungwi a hu na tshithu
ndi nṋe ndi nṋe mubambeli, tshalo tshi maḓini
ndi tshidzimba tsha a si na maṋo, tshi litsheni tshi sinele muṋe watsho
ndi tshiranga tshi ya nga mulivho
nḓivho ndi maanḓa
nga murahu ha ḓumbu, hu na phumudzo
nga u sinḓa mavhele, vhukhopfu vhu a ḓa
ngavhe a i vhuedzi
ngoma madzula wo vhambwa, musi wa mmbi a u ḓihwi
nnḓu a i dzuli sa mahunḓwane i si na luvhambo
nndwa ndi maano
ṋowa a i tevhelwi mulindini wayo
ṋowa i tshi kundwa mbambeni i ri ndi nge ya dziṅwa milenzhe
ṋowa yo vhonalaho a i lumi
ntsa nthihi i tshinya lunda
ntsa ya dzhena mbudzini i ri ndi mbudzivho
nungo dzi vhonala musi muvhi
ṅwana ha dziṅwi tsole
ṅwana hu ḽa a lilaho
ṅwana mutshenzhela ṅanga, u ṱanganya ṅanga ndi hawe
ṅwana tshidzula huvhuya huvhi hu a vhidza
ṅwana wa mbevha ha hangwi mukwita
ṅwana wa muṅwe ndi ṅwana wau
ṅwana wa ṋowa ndi ṋowa
nyamuvhuya ha shai thando, a sa vha mbava ndi muloi
nyavhumbwa wa dagaila wa kanda vho u vhumbaho

O

o ḽaho funguvhu u vhonala nga valuvalu

P

phanḓa i tshi ḓa i ranga nga ṱhoṱha
phanḓa ndi tshivhoni tsha bvungwi

R

ri ḓe ndi mbiḓi ro vhona mavhala
ri vhanzhi, na nungo dzi a vha nnzhi

T

ṱarelwa ḽo fukaho mukumba wa nngu
thanda i onyoloswa i tshi kha ḓi vha nṋu
ṱhavhanyedza i ḽa mbudzi, tsalela i ḽa kholomo
thonga a i pfi ndo doba, i pfi ndo vhaḓa
thumbu ndi ṅwana i a vhetshelwa
tivha ḽo xa, khovhe i dziedzini
tsetsetse i vhidza u gidima
tsha mmbwa ndi tsho vuwaho, tsho lalaho a tshi vhonali
tsha mulovha tsho vhuya, tshifhefho tsho vhuya na mphwe dzatsho
tshanḓa i ya, tshanḓa vhuya
tshilamba u vhudzwa, ndi tshilila u vhona
tshilavhi tshivhi ndi tsho dzhenaho iṱoni, tsho dzhenaho thumbuni tsho lala
tshilombe tsha dzana malamba tshi a ṋewa
tshinakaho a tshi yi thambo, tshi no ya thambo ndi mutshinyalo
tshi sa ḓivhiwi a tshi huvhadzi
tshi sa fheli tshi a ṱula
tshisima tsha phanḓa tshi vhulahisa vhathu ḓora
tshiṱaka tshe wa vhona ṋowa, u ḓi ri i tshee ngomu
tshiṱhavhakhomu vhudzisa u sa ḓo ṱhavha na dzi si na mulandu
tshi vheaho muḓi ndi khana, zwitshele zwi fhaladza muḓi
tsho mphaho luṱanga, kha tshi mphe ṱhanga
tsho vhonaho goswi, na muhali u ḓo tshi vhona

U

u gidima hu fhirwa nga u tshimbila
u khakha ndi ha muthu
u sa athu u hama kholomo, i vhofhe
u songo lifhedza tshivhi nga tshivhi
u songo posa nungu dzau phanḓa ha nguluvhe
u songo vhona bere u khanya hune ya bva yo wisa muṋe wayo
u songo vhona tsimba yo ṋaiwa wa ri ndi lukhohe
u ṱavhanya ndi khwiṋe
u tshi gobela, u vhetshele tshifhango madzhivhulo
u tshi vhulaha ṋowa, u songo ranga mutshilani

V

vhana vha munna vha kovhana ṱhoho ya nzie
vhaṱhavhi ndi vha mvuvhu, vha ḓivhana ḓambuwoni
vhokhotsi vho ḽa magaga, hadzila ḽa fara vhana
vhukale a vhu ḓiambi

W

wa sa ḽi pfa u vhudzwani u ḓo ḽi pfela vhulaloni
wa ṱalifhela ṅanga, u ṱalifhela na dwadze
wa vhona mbulu we mbumbumbu mubvamurahu murahu u ri mbulu yanga

Y

ya dzhena dangani ndi phedza ya musanda
yo fhaṱwaho muṱavhani, mazikule a ḽi nga i vhoni

Z

zhimba ḽi nakela munyi, muṱangana naḽo u doko asiḽi
zwa mbiḓi ndi zwa maramani, zwa thumbuni i fa nazwo
zwa vhavhili, wa vhuraru u ḓa na samba
zwi fara muhulwane ṱhaha